سیاسەتی تایبەتێتی
دوایین نوێکردنەوە: 31ی ئاب 2026
ئەم پەڕەیە دەڵێت چی کۆدەکەینەوە، بۆچی، و کێ دەتوانێت بیبینێت. بە ئەنقەست بە زمانێکی ڕوون نووسراوە.
چی کۆدەکەینەوە
ناوت، ژمارەی مۆبایلت، و ئەو ژمارانەی خۆت لە ئەپەکەدا دەیاننووسیت. هەر ئەوەندە.
و چی کۆناکەینەوە: ژمارەی کارتەکەت، ژمارەی هەژماری بانکییەکەت، پەیوەندییەکانت، شوێنت، وێنەکانت — هیچ شتێک لە مۆبایلەکەتەوە.
و ژمارەی کەسانی دیکە: لە پەڕەی قەرزەکاندا دەتوانیت ناوی کەسێک و ژمارەی مۆبایلەکەی بنووسیت تا بیرت بێت قەرز لەسەر کێیە. ئەمە خۆت دەینووسیت، لە پەیوەندییەکانی مۆبایلەکەتەوە وەریناگرین، کەسی دیکە نایبینێت، و ئەو ڕۆژەی هەژمارەکەت یان ئەو قەرزە دەسڕیتەوە ئەویش دەسڕدرێتەوە. نە پەیوەندی بەو کەسەوە دەکەین و نە هیچ شتێکی لەسەر دەزانین جگە لەوەی خۆت نووسیوتە.
کێ زانیارییەکانت دەبینێت
خۆت. بەس. تەنانەت پشتگیریی تەکنیکیش ناگاتە هەژمارەکەت، مەگەر خۆت داوای یارمەتیت کرد و ڕێگەت پێدا، و تەنیا بۆ ماوەی ئەو کێشەیە.
ئایا زانیارییەکانت دەفرۆشین
نەخێر. هیچ زانیارییەک نافرۆشین، و لەگەڵ کەس بەشی ناکەین.
چوونەژوورەوە بە گووگڵ (Google Sign-In)
ئەگەر بە هەژماری گووگڵ چوویتە ژوورەوە، گووگڵ ناسنامەکەت لای خۆی، ئیمەیڵەکەت، ناوت، و وێنەی هەژمارەکەت ئەگەر هەبێت دەداتە ئێمە — و هەڵیدەگرین تا جاری داهاتوو بتناسینەوە. نە داوای ئیمەیڵ و فایل و پەیوەندییەکانت دەکەین و نە دەیانخوێنینەوە، و هیچ شتێکیش بە ناوی تۆ بڵاو ناکەینەوە. دەتوانیت پەیوەندییەکە لە ڕێکخستنەکانی هەژماری گووگڵەوە بپچڕێنیت، و هەژمارەکەت لای ئێمە بە وشەی نهێنی کاری خۆی دەکات.
زانیاریی پارەدان
بنەڕەتەن بەلای ئێمەدا تێناپەڕێت. پارەدان لە دەروازەیەکی مۆڵەتپێدراودا ڕوودەدات، و ئێمە تەنیا ئەنجامەکە وەردەگرین — سەرکەوت یان شکستی هێنا. نە ژمارەی کارت دەبینین و نە ژمارەی هەژمار، و ناتوانین بە خۆکاری پارە لێ کەم بکەینەوە تەنانەت ئەگەر بمانویستایە.
ئەگەر ئابوونەت ڕاگرت
ئەگەر ئابوونەت ڕاگرت: هەژمارەکەت تەنیا بۆ خوێندنەوە دەبێت، و زانیارییەکانت لە شوێنی خۆیان دەمێننەوە و چاوەڕێت دەکەن.
ڕیکلام و پێوانە
ئەوەی لە لای ئێمەوە بۆ مێتا (فەیسبووک و ئینستەگرام) دەڕوات هیچ شتێک نییە دەربارەی تۆ: نە ناو، نە ژمارەی مۆبایل، نە ئیمەیڵ، نە بڕ، و نە هیچ شتێک کە لە بەرنامەکەدا نووسیوتە.
هەر تەنیا لە پەڕە گشتییەکاندا پیکسەڵی مێتا کار دەکات. هەرگیز لە ناو هەژمارەکەتدا کار ناکات.
و ئێمە سەردانی پەڕە گشتییەکان بۆ خۆمان بە ژمارەی ڕۆژانەی بێ ناسنامە دەژمێرین، و هەرگیز ناونیشانی IP هەڵناگرین.
ئاگادارییەکان
ئاگادارییەکانی وێبگەڕ ئارەزوومەندانەن و بۆ هەر ئامێرێک بە تەنها. دەتوانیت لە پەڕەی «ئامێرەکان» لە ڕێکخستنەکاندا بیانکوژێنیتەوە، یان لە ڕێکخستنەکانی وێبگەڕەکەتەوە.
ئەگەر پرسیارێک مایەوە
پرسیارێک هەیە ئەم پەڕەیە وەڵامی نەداوەتەوە؟ لە واتسئەپ پەیوەندیمان پێوە بکە.